Paalam

Sinta ako'y nagpapaalam na

Sa pag-ibig na ginugol sa isa't isa

Masakit man, parang tinik na bumabaon

Ngunit kailangan para tayo'y makaahon.

Sadya nga may katapusan ang lahat

Pati ang sigla't saya sa tingin natin na ay sapat

Tulad ng mga dahong nililipasan ng panahon

Natutuyo, nalalanta, rumurupok paglaon.

O Diyos, saan kukunin ang lakas?

Ng sa pusong ito maibaon ang bakas

Ng mga alaalang kay tagal nang naninirahan

Pipilitin na lang ilipat at itago sa isipan.

A Tagalog poem that I wrote when I broke up with my first boyfriend